Beni 3. V1 ean, Josetxo 2. V2an eta Gema 4. emakumezkoetan Euskadiko Akuatloi Txapelketan.

Triatloi denboraldia amaitze aldera dagoen arren, Urola Asirauto Plazaola taldeko kideek emaitza onak lortzen jarraitzen dute. Honela, Jon Azpiazuk 3. postua lortu zuen La Caplen (Frantzian) ospaturiko IronMan erdian. Emaitza honekin eta duela gutxi Gazteizen lortu zuen Europako Txapelketan bigarren postuarekin, abuztuan Ingalaterran lehiatuko duen Ironmanean parte hartzeko prestakuntza bide honetik doala baieztatu du.

Beste alde batetik, pasa den larunbatean Plentzian Euskadiko Akuatloi Txapelketa ospatu zen. Lehenbizi 2,5 km osatu behar ziren korrika, ondoren kilometro bat igeri eta amaitzeko beste 2,5 km korrika. Plentziara lau taldekide hurbildu ziren proban parte hartzeko.

Gizonezkoetan Aaron Royle australiarrak irabazi zuen proba eta emakumezkoetan Cristina Zurbituk.

Jose Manuel Benitez 23. postuan sailkatu zen eta Euskadiko Txapelketan 3. sailkatu zen Beteranos 1 mailan. Josetxo Mugika 37. izan zen eta 2. Euskadiko Txapelketan Beteranos 2 mailan.

Emakumezkoetan Gema Hernandez 4. postuan sailkatu zen Euskadiko Txapelketan sailkapenean lortu zuen 5. postuari esker. Beste alde batetik, Idoia Gardek ez zuen proba amaitzerik izan arazo fisikoengatik.

Plentziako sailkapenak

Plentziako argazkiak

Gasteizko triatloia

Pasa den Ekainaren 26an Urola Asirauto Plazaola taldeko Jon Azpiazu triatleta, duela urtebete Espainiako Distantzi Luzeko 25-29 adin taldeko Txapeldun bilakatu zen leku berean beste lasterk.eta bat lehiatzera bueltatu zen Gazteizera.

Oraingoan erronka duela urte betekoa baino handiagoa zen. Bertan Europako Distantzia Luzeko txapelketa ospatzen zen. Triatletek igeriketako 4 kilometroz, txirrindularitzako 120 km eta korrikako 30 kilometroz osaturiko ibilbideari aurre egin behar izan zioten.

Jonek beste behin, igeriketan bere aurkariekiko galtzen duen denbora, bizikletako eta korrikako saio bikainak osatuz errekuperatzeko kapaz dela azaldu zuen.

6 ordu 40 minutu eta 39 segunduko esfortzu gogorraren ondoren, Buesa Arenan kokaturiko helmuga bigarren lekuan gurutzatzea lortu zuen Jonek 25-29 adin taldean, Europako txapeldunorde bilakatuz.

Bere hurrengo erronkak Frantzian ospatuko den Ironman erdi bat eta Abuztuan Ingalaterran ospatuko den Ironman bat izango dira.

Zorionak Jon !!!!

Triatloiko web orria

]]> http://www.urolatriatloia.com/?feed=rss2&p=649 http://www.urolatriatloia.com/?p=636 http://www.urolatriatloia.com/?p=636#comments Sun, 13 Jun 2010 09:00:35 +0000 admin http://www.urolatriatloia.com/?p=636

Pasa den asteburuak triatloiarekin hitzordu bikoitza izan zuen eta Urola Asirauto Plazaola triatloi taldeko kirolariek maila bikaina eskaini dute beste behin.

Larunbatean triatloien artean klasikoa den eta ospe handienetarikoa duen Zarauzko triatloi gogorra ospatu zen. Triatletek Getariatik Zarautzera igeri egin behar izan zuten, bizikletaz 82 km-ko ibilbide gogorra eta bukatzeko 20 km korrika. Triatloi munduko izen garrantzitsu asko hurbildu ziren dirutan eskaintzen ziren sari garrantzitsuak medio. 400 triatleta elkartu zituen probak, Eneko Llanosek gizonezkoetan eta Cat Morrisonek emakumezkoetan irabazi zuten eta distantziako Euskadiko txapeldunak erabakitzeko balio izan zuen.

Urola Asirauto Plazaolako 4 ordezkariak Jon Azpiazu, Josetxo Mujika, Raul Montiel eta Arturo Mariscal izan ziren.

Jon Azpiazuk uretatik nahiko atzeratuta atera ondoren 250 postu baino gehiago aurreratu eta proba 43. postuan amaitzea lortu zuen. Josetxo Mujika gutxitik gehiagora egindako lasterketa batean 98. bukatzea lortu zuen probako garaipena eta Euskadiko Txapeldun bilakatuz Beterano 2 mailan. Raul Montielek bizikletako atal on bat osatuz 116. sailkatu zen eta Arturo Mariscalek proba 359, postuan amaitu zuen. Taldea 15. sailkatu zen taldekako sailkapenean.

Beste alde batetik igandean V. “Tecnun” Sprint Triatloia ospatu zen Donostian eta esprint distantziako Gipuzkoako Txapelketa izan zen.

Triatletek 750 metrotako igeriketa saioa burutu zuten Ondarretako hondartzan, bizikleta hartu eta Usurbilera joanetorria eginez 20 km-ko ibilbidea osatzeko. Proba amaitzeko 5 km-ko korrika saioari aurre egin behar izan zioten. Probaren garaileak Jon Unanue eta Maider Gaztañaga izan ziren 360 partaideen artean.

Urola Asirauto Plazaolatik taldekide kopuru zabala hurbildu zen Donostiara.

Emakumezkoetan Gema Hernandez izan zen taldekide bakarra. Proba 12. postuan amaitzea lortu zuen eta helmugan lehen gipuzkoarra izan zenez Gipuzkoako Txapeldun izendatu zuten triatloi esprintean.

Gizonezkoei dagokionez dozena erdi bat lagunek osatu zuten proba. Jose Manuel Benitez izan zen taldeko aurrena helmugan 43. postuan eta podiumeko hirugarren koskara igo zen bai proba eta bai Gipuzkoako txapelketan Beterano 1 mailan. Josetxo Mugikak 59. postuarekin proba eta Gipuzkoako txapelketak irabaztea lortu zuen Beterano 2 mailan.
Roberto Renilla 110., Jon Aramendi 167. Raimundo Diaz 192. eta Joseba Garmendiak 211. norberaren kurrikulumean beste triatloi bat gehitzea lortu zuten.

Datorren larunbatean triatletek Lekeition dute hitzordua, zirkuituko beste klasiko bat ospatzen delako beti ere Garraitz Triatloi taldeak bikainki antolatzen duen triatloi esprinta.

Zarauzko sailkapenak

Donostiako sailkapenak

Zarauzko argazkiak

Donostiako argazkiak

Larunbat goizean Urola Asirauto Plazaola triatloi taldeko Gema Hernandezek, Madriden ospatu ziren ITU Dextro Serie mundialen programaren barnean ospaturiko adin taldekako Espainiako Txapelketarako klasifikagarria zen triatloiean parte hartu zuen. Proba distantzi motzekoa izan zen, hau da, 1,5 km igeri , 40 km bizikletan eta 10 km korrika.

700 triatleta bildu zituen probak, horietatik 52 emakumezko eta termometroak markatzen zituen 32 gradueri aurre egin behar izan zioten.

Bizikleta 12. postuan utzita, korrikako laugarren partzial onena osatu ondoren, proba 8. postuan amaitzea lortu zuen 2 ordu eta 36 minutuko denborarekin 30-34 urte bitarteko kategorian garaipena eskuratuz.

Garaipen honek adin taldekako Espainiako eta irailean Budapesten ospatuko den mundialean parte hartzeko eskubidea eman dio.

Larunbat arratsaldean aldiz, Urola Asirauto Plazaola taldeko 4 kide Ondarrura bertaratu ziren bertan ospatu zen distantzi motzeko (1,5-42-10) triatloiean parte hartzeko. Maila ezberdinetako Euskadiko txapeldunak nortzuk izango ziren erabakitzeko balio izan zuen Ondarruko probak eta hego euskal-herriko zirkuitorako puntuagarria izan zen.

Garaipena Mikel Elgezabalek gizonezkoetan eta Ana Casaresek emakumezkoetan eskuratu zuten.

Aitor Alberdi 7. postuan izan zen taldeko lehena helmugan. Partehartzea Josetxo Mujika, Joseba Alberdi eta Jon Aramendik osatu zuten. Josetxo Mujika Euskadiko Txapeldun izendatu zuten Beterano 2 mailan eta taldeka 6. postua eskuratu zuten.

Beste alde batetik Roberto Renilla Erronkarira joan zen bere egunean elurrarengatik atzeratu zen Isabako Duatloi krossean parte hartzeko 26. postua eskuratu zuelarik. Duatloi krossak mendiko bizikletarikin eta mendian korrika eginez ospatzen dira.

Donostiako Ondarretako inguruetan ospatuko den Tecnun sprint triatloia izango da triatletentzako hurrengo hitzordua.

Ondarroako sailkapenak

Madrileko argazkiak

Ondarroako argazkiak

Joan den larunbatean Bermeoko V. Triatloi sprinta ospatu zen, hego Euskal Herriko zirkuituko bigarren proba zena. 240 triatleta bildu ziren eta garaipena Felix J. Martinez eta Estefania Gomez kantabriarrek eskuratu zuten.

Urola Asirauto Plazaolako 6 taldekidek parte hartu zuten. Emakumezkoetan Gema Hernandez 13. sailkatu zen eta Aintxine Kerejeta 20. Gizonezkoetan aldiz, Josetxo Mugika 26. sailkatu zen eta garaile izan zen Beterano II mailan. Raimundo Diaz 110. eta Joseba Garmendiak 149. osatu zuten taldearen partehartzea. Jon Muruak zulatu baten ondorioz ezin izan zuen proba amaitu.

Beste alde batetik igandean Debako II. Triatloi sprinta jokatu zen era berean maila ezberdinetako Euskadiko Txapelketa zena. Bertaratu ziren 340 triatletek, igeriketako 750 metroz, bizikletako 24,5 kilometroz eta korrikako 5 kilometroz osaturiko ibilbideari aurre egin behar izan zioten. Egoitz Zalakain tolosarrak eta Estefania Gomez kantabriarrak izan ziren helmugaratzen azkarrenak.

Urola Asirauto Plazaolako taldekideei dagokionez zazpik lortu zuten proba amaitzea. Mikel Muruak onenen artean lehiatzeko aukera izan zuen eta lasterketa bikain baten ondoren 17. postua eskuratze lortu zuen. Josetxo Mujikak bere 58. postuari esker Euskadiko Txapeldun izendatu zuten Beterano II mailan. Partehartzea Joseba Alberdi 73. Jose Manuel Benitez 78., Roberto Renilla 154., Juan Carlos Rueda 159. eta Dani Herasek 188. osatu zuten.

Ondorengo hitzordua Ondarroako Triatloi Olinpikoa izango da, Euskadiko Txapelketa izango dena.

Era berean, taldeak, entrenatzen ari zela eroriko bat izan zuen Ainhoa Garciari laster osatu dadin opa dio.

Bermeoko sailkapenak

Debako sailkapenak

Debako argazkiak

Maiatzaren 23an Zierbenako “Ipar Kutxa” Sari Nagusia triatloi olinpikoa ospatu zen. Hau izan zen Hego Euskal Herriko zirkuituko lehen proba.

Parte-hartzaileek goiz eguzkitsu batean igeriketako 1,5 km., bizikletako 45 km. eta amaitzeko korrikako 10 kilometroz osaturiko ibilbide gogor bati aurre egin behar izan zioten. Mikel Elgezabal gernikarra eta Itsaso Leunda hernialdetarra izan ziren 208 parte-hartzaile bildu zituen probaren irabazleak.

Urola Asirauto Plazaolako bost triatletek parte hartu zuten. Gizonezkoetan Mikel Murua izan zen taldeko lehena helmugan lasterketa bikain bat burutu ondoren 18. postua eskuratuz eta Josetxo Mugika(46. eta bigarren beterano 2 mailan), Beni (87.) eta Arturo Mariscalek (131.) osatu zuten taldea. Taldekako sailkapenean seigarren postua bereganatu zuten

Emakumezkoetan Gema Hernandezek 9. postua eskuratu zuen.

Era berean larunbatean Aitor Alberdik Lanzaroteko Ironmanean parte hartu zuen proba 10 ordu eta 8 minututan amaituz. Hurrengo egunetan bai Aitorrek eta Jon Muruak Ironmanetan bizitako esperientzien inguruan berri gehiago izango duzue.

Triatloi zirkuituko hurrengo probak datorren larunbatean Bermeon eta igandean Deban ospatuko dira, biak sprint distantzian.

Sailkapenak

Argazkiak

Duatloi denboraldiak amaiera jo du Altsasu eta Bilboko duatloiak pasa den larunbatean ospatu ondoren.

Bilboko Hiria VI Sprint Duatloia (5-21-2,5km) ospatu zen larunbatean, bertan maila ezberdinetako Sprint distantziako Euskadiko txapelak jokoan jarri zirelarik. Gizonezkoetan Laurent Galinier frantsesa eta emakumezkoetan Radka Vodickova txekiarrak irabazi zuten proba.

Urola Asirauto Plazaolako duatletei dagokionez Josetxo Mugika 28. sailkatu zen eta bigarren Beterano 2 mailan. Xabier Lopez (40.) eta Arturo Mariskalek (160.) osatu zuten Bilbon taldearen partahidetza, proban parte hartu zuten 230 duatleten artean.

Taldeko beste sei duatletek Altsasuko Duatloi Sprinta aukeratu zuten. Proba hego euskal herriko zirkuiturako puntuagarria zen baita ere eta Nafarroako Txapeldunak erabakitzeko balio izan zuen. Raul Amatrian gizonezkoetan eta Ana Casares emakumezkoetan izan ziren probako garaileak.

Neskek lan bikaina burutu zuten beste behin eta taldeka denboraldiko seigarren garaipena lortu zuten bide batez Hego Euskal Herriko Zirkuituko garaipena eskuratuz eta denboraldian egindako lan txukuna borobilduz.

Gurutze Altuna podiumean izan zen lortu zuen 3. postuari esker eta Idoia Garde eta Aintxine Kerejeta 8. eta 9. izan ziren.

Gizonezkoetan Edu Perezek nahiz eta eroriko bat izan zuen meritu handiko 18. postua lortu zuen eta Beterano 1 mailan hirugarren izan zen. Joseba Alberdi 26. eta Roberto Renilla 54. izan ziren taldeko beste partehartzaileak.

2 proba hauek ospatu ondoren Duatloi Zirkuitua amaitu da eta datorren igandean Triatloi Zirkuituari hasiera emango zaio Ziebarana.

Bilboko sailkapenak

Altsasuko sailkapenak

Altsasuko argazkiak

Larunbatean Ermuako Triatloi Taldeak antolaturiko Ermuako Duatloi Sprinta jokatu zen. Duatletek lasterka 5,3 km, bizikletan 22 km eta amaitzeko 2,5 km lasterka osatu behar izan zituzten. Lasterketa Raf Baugh australiarrak gizonezkoetan eta Ainhoa Murua zarauztarrak emakumezkoetan irabazi zuten.Urola Asirauto Plazaolak 5 duatleta bertaratu zituen: Josetxo Mugika, Edu Perez, Gurutze Altuna, Gema Hernandez eta Ainhoa Garcia.
Guztiek emaitza bikainak lortu zituzten, Josetxo Mugika 29. sailkatu zen eta Beterano 2 mailan bigarren izan zen, Edu Perez 37. eta Beterano 1 mailan hirugarren.

Emakumeei dagokionez Gurutze Altuna 7., Gema Hernandez 13. eta Ainhoa Garcia 14. sailkatu ziren. Lortutako postu hauei esker taldekako sailkapenean beste behin garaipena lortu zuten, denboraldiko bostgarrena eta bide batez nahiz eta Euskal Herriko Zirkuitoa bukatutzat emateko bi proba falta diren, zirkuitoko garaipena ziurtatuta dauka taldeak.

Hurrengo hitzorduak datorren larunbatean Altsasu eta Bilboko duatloiak izango dira.

Sailkapenak

Argazkiak

Duatloi denboraldia ez da bukatu. Asteburu honetan Zornotzako Duatloi Motza eta Biarritz Olimpique taldeak antolatutako Senpereko Triatloia jokatu dira. Kirol egutegian ohikoa den triatloi honetan hegoalde eta iparraldeko triatletek Senpere inguruko paisaia zoragarriaz gozatzeko aukera izan dute larunbat eta igandez.

Larunbatean Jon Azpiazuk azpimarragarria den 14. postua lortu zuen Zornotzako Duatloian. Honek bere denboraldi ona baieztatu baino ez du egiten Hego Euskal Herriko Zirkuituko Top 10ean mantentzen delarik.

Senpereko triatloiari dagokionez, larunbatean erlojuaren kontrako taldekako probak jokatu ziren kategoria ezberdinetan: gizon, emakume eta mistoa. Guztiak esprint neurrian (750 m - 16 km - 6 km) 80 talde lehiatu zirelarik.

Urola Asirauto Plazaolak Idoia Garde, Ainhoa Garcia eta Gema Hernandezek osaturiko emakumezko taldea aurkeztu zuen. Proba bikaina egin zuten eta horren ondorio da lortu zuten meritu handiko bigarren postua, hasiera batean faborito ziren taldeen aurretik.

Gizonezkoen taldea Mikel Murua, Ion Murua, Roberto Renilla eta Joseba Garmediak osatua, lasterketa ona burutu zuen sailkapenaren erdialdean kokatuz.

Igandean buruz buruko norgehiagokak jokatu ziren super esprint, esprint eta olinpiar mailan. Bertan triatleta hasiberriek goi mailako direnekin parte hartzeko aukera izan zutelarik.

Urola Asirauto Plazaolaren aldetik, igandean Dani Heras superesprintean, Ainhoa Garcia, Juan Carlos Rueda, Jose Manuel Benitez eta Jon Aramendi esprintean eta Aitor Alberdi, Joseba Alberdi, Mikela Murua, Jon Murua eta Jon Azpiazu triatletek olinpiar mailan neurtu zituzten euren indarrak.

Emaitza onak lortu ziren proba hauetan ere. Azpimarragarria Dani Herasen 6. postua Superesprintean, Ainhoa Garciaren 5. postua esprintean eta Aitor Alberdiren 9. eta Mikel Muruaren 20. olinpikoan.

Hurrengo hitzorduak duatloiak izango dira: maiatzaren 8an Ermuan eta maiatzaren 15ean Altsasun eta Bilbon.

Senpereko sailkapenak

Zornotzako sailkapenak

Senpereko argazkiak

Gema Hernandez 4. Euskadiko Duatloi Sprint TxapelketanLarunbatean Gernikako Nazioarteko XV Duatloia ospatu zen, Euskadiko sprint distantziako Txapelketa izan zelarik eta era berean Euskal Herriko Zirkuitoko zortzigarren proba. Bart Aernouts belgiarra gizonezkoetan eta Alexandra Luison frantzesa emakumezkoetan izan ziren probaren garaileak. Partehartzaileek korrika 5,2 km, bizikletan 26 km Urdaibai inguruan eta bukatzeko 2,6 km korrika osatu behar izan zituzten.

Urola Asirauto Plazaola taldeko kideei dagokionez, neskek beste behin ohorezko postu bat eskuratu zuten Bilbaotri taldearen atzetik bigarren postua lortuz eta Euskal Herriko zirkuitoaren lidertzan mantentzen dira.

Goraipatzekoa Gema Hernandezek burutu zuen lasterketa bikaina, meritu handiko 9. postua lortuz sailkapen orokorrean eta 4. postua Euskadiko Txapelketan podiumetik 7 segundutara. Aintxine Kerejeta 18. , Ainhoa Garcia 19. eta Ainhoa Parrak 23. postuan sailkatuz taldearen lan ona borobildu zuten.

Gizonezkoetan Xabier Lopezek 95. postuan izan zen taldeko lehena helmugan. Parte hartu zuten gainontzeko taldekideak Jon Aramendi, Roberto Renilla, Aitor Izagirre, Raimon Diaz, Jon Murua, Arturo Mariscal eta proba arazo fisikoak medio bukatu ez zuen Asier Murua izan ziren. Guztiek maila altua duen proba honetan oso lasterketa duina osatzea lortu zuten. Taldekako sailkapenean 22. postua lortu zuten.

Igandean berriz, distantzia motzeko Arbizuko XV. Duatloia ospatu zen eta Euskal Herriko zirkuitoko bederatzigarren proba. Duatletek ibilbide gogor bati aurre egin behar izan zioten , lasterka 8 km, bizikletan 32 km eta berriro ere lasterka 4 km osatuz. Mikel Otaegi eta Radka Vodickova izan ziren probaren garaileak.

Urola Asirauto Plazaola taldeko bederatzi duatleta bertaratu ziren Arbizura. Gizonezkoetan taldekako sailkapenean bigarren postua eskuratu zuten Iruñako Lagunak Saltoki talde indartsuaren atzetik, Jon Azpiazu 9. , Aitor Alberdi 11. eta Josetxo Mugika 22. izan ziren taldearentzat puntuak eskuratu zituztenak.

Ezin aipatu gabe utzi Josetxo Mugikaren garaipen berri bat Beterano 2 mailan eta Jexux Lizarazu eta Edu Perezen 6. eta 7. postuan Beterano 1 mailan. Iñaki Etxaniz eta Jon Muruak maila ona eskeini zuten baita ere.

Emakumezkoetan Gurutze Altuna izan zen proba amaitu zuen taldekide bakarra zazpigarren postua eskuratuz sailkapenean eta bizikletan denbora onenetan egotea lortu zuelarik. Idoia Gardek ez zuen proba amaitzerik izan.

Datorren asteburuan taldeko hainbat kide Senperera joango dira larunbata eta igandean ospatuko diren maila eta distantzia ezberdinetako triatloietan parte hartzera.

Gernikako sailkapenak

Arbizuko sailkapenak

Arbizuko argazkiak

Duatloiko web orria