Triatloia eta duatloia

Taldekideok zertan parte hartzen dugun hobe ulertzeko, azalpen txiki bat eskaintzen dizuegu:

TRIATLOIA

Ondorengo disziplinek osatzen duten kirola da: igeriketa, txirrindularitza eta korrika.

Distantzia ofizialak: Beste distantziak:
Sprint 750m – 20km – 5km Supersprint 300m – 8km – 2km
Motza edo Olinpikoa 1.500m – 40km – 10 km ½ IM edo Half CH 1.900m – 90km – 21km
Erdia 3.000m – 80km IM edo CH  3.800m – 180km –  42km
Luzea 4.000m – 120km – 30km

Euskadi eta Nafarroako triatloi zirkuituko frogak

Euskal eta Nafar federazioek antolatzen dute. Lizentzia duen edonork parte hartu dezake, nahiz eta lizentziarik ez dutenek froga bakarrean aritzeko aukera duten. Zirkuituan sailkatzeko 5 froga edo gehiagotan parte hartu beharra dago, horietako bat gutxienez Nafarroan izanik.

Kategoria ofizialak hauek dira: kadete, junior, sub23, senior, beterano I, beterano II eta beterano III.

Gipuzkoa eta Euskadiko triatloi txapelketak

Federazioek antolatzen dituzte. Parte hartzeko lizentzia izatea beharrezkoa da. Distantziak ofizialak izaten dira. Kategoriak ere zirkuituko berdinak dira.

Espainiako triatloi txapelketak

Distantzia ofizial guztietan antolatzen dira. Parte hartzeko lehenago antolatzen diren sailkapen frogetan parte hartu beharra dago. Hala ere, plaza libreak badaude, izen ematea ere irekitzen da.

Kategoriei dagokionez, ondorengoak dira:

Elite: maila altuenekoen taldea da. Katede, junior eta 23 urtez azpikoak ere hemen sartzen dira.

Adin taldeak: parte hartzaileak erdimailakoak dira eta bost urtetako taldeetan banatzen dira:  20-24, 25-29, 30-34, eta abar.

Triatloi herrikoiak

Superesprint distantziakoak izan ohi dira eta normalean izakera konpetitiborik gabeak. Hauen helburua triatloia ezagutaraztea da eta edozein pertsonak parte har dezan erraztea.

NEGUKO TRIATLOIA

Ondorengo disziplinek osatzen duten kirola da: korrika, txirrindularitza eta eskia. Batzuetan mendigunetan izaten da BTTarekin.

 

DUATLOIA

Ondorengo disziplinek osatzen duten kirola da: korrika eta txirrindularitza.

Distantzia ofizialak: Beste distantziak:
Sprint 5km – 20km – 2,5km Supersprint 2km-10km-1km
Motza 10km – 40km – 5km

Euskadi eta Nafarroako Duatloi Zirkuitoko frogak

Euskal eta Nafar federazioek antolatzen dute. Lizentzia duen edonork parte hartu dezake. Lizentziarik ez dutenek, froga bakarrean aritzeko aukera dute. Zirkuitoan sailkatzeko 6 froga edo gehiagotan parte hartu beharra dago, horietako bat gutxienez Nafarroan izanda.

Kategoria ofizialak hauek dira: kadete, junior, sub23, senior, beterano I, beterano II eta beterano III.

Gipuzkoa eta Euskadiko duatloi txapelketak

Federazioek antolatzen dituzte. Parte hartzeko lizentzia izatea beharrezkoa da. Distantziak ofizialak izaten dira. Kategoriak ere zirkuituko berdinak dira.

Espainiako duatloi txapelketak

Distantzia motzean antolatzen dira. Parte hartzeko lehenago antolatzen diren sailkapen frogetan parte hartu beharra dago. Hala ere, plaza libreak badaude, izen ematea ere irekitzen da.

Kategoriei dagokionez, ondorengoak dira:

Elite: maila altuenekoen taldea da. Katede, junior eta 23 urtez azpikoak ere hemen sartzen dira.

Adin taldeak: parte hartzaileak erdimailakoak dira eta bost urtetako taldeetan banatzen dira:  20-24, 25-29, 30-34, eta abar.

Duatloi herrikoiak

Superesprint distantziakoak izan ohi dira eta normalean izakera konpetitiborik gabeak. Hauen helburua duatloia ezagutaraztea da eta edozein pertsonak parte har dezan erraztea.

Mendi duatloiak

Duatloi krossak ere deitu izan dira. Mendiguneetan antolatzen dira eta bizikleta saioa BTTaz burutu behar da. Euskadi mailan zirkuito bat antolatu da: mendiduatloia.com

Espainiako duatloi kross txapelketa

Lizentzia izatea ezinbestekoa da parte hartzeko. Distantzia bakarrean egiten da: 6km-20km-3km. Kategoriak triatloi eta duatloiean izaten diren berdinak dira.

Informazio gehiago:  triatloi.org eta triatlon.org

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

This site uses Akismet to reduce spam. Learn how your comment data is processed.