Elkarrizketak

Idoiari elkarrizketa

Posted by admin on
Aste honetan elkarrizketa Idoia Garderi egingo diogu, nesketan taldeko bakarra Oñatiko duatloian parte hartzera animatu zena. Animatu eta bukatu. ZORIONAK!
Duatlon Oñati 2009 129.jpg
1. Oñatira iristean, galdetzen dizugu “zertan ari zara hemen”?
Ba bai, galdera ona. Jende piloa dago, denek komentatzen dute zein gogorra den, ezagunak harrituta galdetzen didate behin eta berriz ea parte hartuko dudan… Eta nik neure buruari hori galdetzen diot, zertan ari naiz hemen?

Baina beno, asteak daramatzat “mentalizatzen” azkena joango naizela eta helburua korrika 40 minutu azpitik egin ostean, bizikletan Antzuolara iristea dela. Hortik aurrera abentura… Beraz, hortan zentratzen naiz ez agobiatzeko.


2. Zer izan da gogorrena?
Deskarga esan beharko nuke… baina ez. Bi momentu gogor izan ditut: bat zapatila askatu zaidanean, 4km korrika neramatzan, azken aurrekoa aurreratu berri eta zapatilak ihes egiten zidan. Geratu behar izan naiz ondo lotzeko eta noski, denbora galdu dut eta burutik pasatzen zait azkena geratu ezkero ez dudala inor izango bizikletan batera joateko…
Bigarren momentu gogorra jarraian izan da, bizikleta hartu dudanean eta hankak nekatuta sentitu ditudanean eta inguruan, inor ez! Bakarrik hasi behar…

3. Sentsazio bat?
Dudarik gabe deskargako gaina pasatzean gainetik kendu zaidan pixua… Ah! eta eskerrak Tasiori, gutxik aguantatu zuten han zai eta animatzen hainbeste denbora!!

4. Helmugatik pasatzean… zer esango zenioke datorren urtean Oñatiko duatloia egin nahi duenari?
Nik bukatu badut, berak ere egin dezakeela. Eta garrantzitsua dela burua hotz mantentzea, jende asko baitago animatzen eta erraza da berotu eta erritmoa gehiegi igotzea…