Pasa den larunbatean Guadalajarako XXIV triatloia ospatu zen. Bertan Urola KE Asirauto Plazaola taldeko Aitor Alberdik parte hartu eta bigarren postua eskuratzea lortu zuen.Antolaketa bikaineko proba honetan 300 parte hartzaile inguru atera ziren 3000 metro igeri, 86 km bizikletan eta 18,5 km korrika egiteko.
Aitor 13. atera zen igeriketako saiotik eta trantsizio azkar baten ondoren 11. ekin zion bizikletako saio gogorrari. Bizikletan sentsazio onekin aurkitu eta bigarren posturaino iristea lortu zuen. Korrika, bukaeran garaile suertatuko zen Pedro Gomes portugaldarretik 4 minututara hasi zen, hirugarrenari minutuko aldea ateratzen zion bitartean.
Korrikan erritmori eustea lortu zuen eta bigarren iritsi zen helmugara. Gainera, postu horrek datorren urtean ospatuko den Lanzaroteko ironmanerako txartela eman dio.
Mutilen sailkapena:
| Postua | Abizena | Izena | Denbora |
| 2 | Alberdi | Aitor | 04:22:04 |
Argazkiak: https://goo.gl/photos/UBq8jWCHfmeijQHi8
