Larunbat arratsaldean, hilak 22, jokatu zen Zubietan bertako mendi duatloiaren bigarren ekinaldia. Eguraldi oso beroa lagun, 30ºC irteera unean, 150 lagunetik gora izan ziren parte hartu zutenak. Parte hartzaileek ibilbide gogor batean korrika 4,5km inguru, bizikletan 15,5km eta amaitzeko, berriro ere korrika, 2,2km egin behar izan zituzten mendian gora eta behera. Lasterketako garaileak Luis Mari…
Hilabetea: 2012/09/28
Espainiako autonomia erkidegoen arteko txapelketa
Irailaren 16an, Euskadiko selekzioarekin, Espainiako autonomia erkidegoen arteko txapelketan izan zen Ibone. Kasu honetan, distantzia esprintean (750 m igeri, 40 km bizikletan eta 5 km korrika) eta bertan 7. helmugaratu zen sailkapen orokorrean. Gainera, euskal selekzioko lehen kidea izan zen proba amaitzen. Selekzioka neskak 5. postuan sailkatu ziren. Garailea Galizia izan zen.
Espainiako triatloi olinpikoko txapelketa
Pontevedran izan zen, Espainiako triatloi olinpikoko txapelketa distantzia olinpikoan burutu zen (1,5 km igerian, 40 km bizikletan, 10 km korrikan). Ibone 14. postuan sailkatu zen elite mailan eta 23 urtez azpikoetan, berriz, 7. Lasterketa honetan Ainhoa Murua triatloilari zarauztar bikaina nagusitu zen sailkapen orokorrean.
Guadalajarako XXVII. triatloia
Larunbatean jokatu zen Guadalajaran distantzia luzeagoko triatloi hau. Bertan parte harturiko 300 triatloilariek igerian 1,9 km, bizikletan 80 km eta amaitzeko korrikako atalean 20 km osatu zituzten. Garaileak Ivan Tejero (4:06:45) eta Estefanía Gómez (4:41:42) izan ziren, eta, Urola-Plazaolakoei dagokienez, Oier Diaz de Espada 117. (5:15:21) eta Juan Carlos Delgado 151. (5:23:37) helmugaratu ziren.
Zumaiako VI. esprint triatloia
Larunbatean, hilak 1, jokatu zen euskal triatloi zirkuituko azken proba hau. Bertan esprint distantzian lehiatu ziren aurrez izen-ematea beteriko 150 triatloilariak, igerian 750 m, bizikletan 20 km eta korrika 5 km osatuz. Lasterketako garaileak Aimar Agirresarobe (56:49), gizonezkoetan, eta Ainara Pacheco (1:06:44) izan ziren. Gure bi ordezkariei dagokienez, berriz, Roberto Renilla 55. helmugaratu zen (1:05:23)…